Monday, 22 July 2013

Dashaavataara


Summary in English:-


|| Shri Gurubhyo Namah ||
|| Harih Om ||

|| Athaatho DASHAAVATAARA Jijnaasaa ||

Shube Shobane Muhurte
Adya Brahmanaha Dvitaya Parardhaha (Brahma's Age is 100 Year's in Brahma Kaala Maana. In that we are now in second half.)
Shveta Varaha Kalpe (Among 7)
Vaivasvata Manvantare (Among 14)
Ashtavigumshati Tame Kali yuge (28th Kaliyuga)
Prathame Pade (Among 4)
Jambhu Dweepe (Among 7)
Bharatha Varshe Bharatha Khande Meruho Dakshine Paarshve
Shalivahana Shakhe Asnmin Vartamana
Bouddhavatare (8 Avataara's of Maha Vishnu elapsed & we are waiting for 9th Avataara called Bouddhavatara which will happen in 32nd Arbudha or Mahayuga.)
(ParashuRama) Ramakshetre ... etc.,
____________________________________________________
1 Mahayuga = Fourfold of Yuga. (Yugaavaratna in Brahmamaana) i.e., Kruta, Treta, Dwaapara, Kali.
Total Manus=14.
1 Manu's Rule = 36 Yugaavartana in Brahmamaana. i.e., 36 times the 4 yugas will be repeated to complete 1 cycle of Manu. So in every Manu's kaala, this DASHAAVATAARA repeats in different forms.
Total 36 x 14 Manus = 504 which is Brahma's Paraardha.

So in present Vaivaswata Manu's rule Avataara's happened as follows:
1st Arbudha = Matsya
4th Arbhudha = Kurma
8th Arbudha = Varaha
12th Arbudha = Naarasihma -------> Finishes Kruta Yuga with 1 Paada of Dharma lost.

16th Arbudha = Vaamana
20th Arbudha = Parashuraama. Since his rule was there till 21st Arbudha, he is said to
have done 21 times Bhu-Pradakshina.
24th Arbudha = Raama ---------> Finishes Treta Yuga with half of Dharma lost.

28th Arbudha's Dwaapara = Krishna ----> After this Dwaapara finished we are presently we are in this 28th Arbudha's Kaliyuga.

29th Arbudha having Kruta,Treta, Dwapara, Kali ----> awaited
30th Arbudha having Kruta,Treta, Dwapara, Kali ----> awaited
31st Arbudha having Kruta,Treta, Dwapara, Kali ----> awaited. After which 3/4th Paada of Dharma is lost

In 32nd Arbudha after it elapses Kruta, Treta we reach Dwapara where Hari takes BAUDDHAAVATAARA.

In 36th Arbudha's Kaliyuga, Hari takes the Avataara of Kalki & tries for the crowning of new Manu called SURYA SAAVARNI.

Since the Avataara which we are expecting to happen is Bauddhavataara, we utter the TRUTH in our Sankalpa as Bauddhavataare till we reach 32nd Arbudha.

|| Om Tat Sat ||

____________________________________________________

 


ಆದಿಯೊಳು ಉದಿಸಿತೈ ಪೂರ್ಣ ಜಲಧಿಯ ಮಧ್ಯೇ
ಮಾಧವನು ಮಲಗಿರುವ ವಟಪತ್ರದೆಲೆಯು
ಆದಿಮೂರುತಿಯ ಲೀಲಾ ನಾಟಕವದಾರಂಭವಾಯಿತು ದಶಾವತಾರ ನಾಟಕವು
ಸಾಧಿಸಿದ ಪರಬ್ರಹ್ಮ ನಾಭಿಯೊಳು ಹೊರಬಂದು
ವಾದಿಸಿದ ಖಳರ ಗೆಲುವ ಮಾರ್ಗವನು ಕುರಿತು ಚಿಂತಿಸಲು
ಬೋಧಿಸಿದಳಾಗ ಆದಿಶಕ್ತಿಯು ಮುರಹರಗೆ ಸೃಷ್ಟಿಗನುಕರಿಸಬೇಕು ನೀನೆನಲೂ || ೧ ||
 
ಮಾತೆಯಪ್ಪಣೆಯಂತೆ ಮಧುಕೈಟಭರ ಬಡಿದು
ತಾತ ಬ್ರಹ್ಮನಿಗಿತ್ತ ಮೇದಿನಿಯನೂ ಜಾತನೀನಹುದು ಸೃಜಿಸು
ವಿತತ ಜೀವಸಂಕುಲವನ್ನು ನಾನೀವೆ ಜ್ಞಾನವನು ಎಂದು ಬೆಸಗೊಂಡನಾಗಲೇ
ಮಾತೆಯನು ಸ್ಮರಿಸುತ್ತ ಧರಿಸಿ ಮತ್ಸ್ಯದ ರೂಪದಲಿ ತಮದೊಳಗೆ
ಸತತ ಹೋರಾಡಿ ಗೆಲಿದನು ವೇದಾದಿ ಜ್ಞಾನ ಸಾಗರವ ಇರದೆ
ಇತ್ತನು ಮರ್ತ್ಯರಿಗೆ ಅದು ಮೊದಲವತಾರ ಕಾಣೈ ಆದಿಯಲಿ ಸ್ವಾಯಂಭುವ ಮನ್ವಂತರದಲೀ || ೨ ||

ಉದಿಸಿದರು ಬ್ರಹ್ಮನಿಗೆ ಮಾನಸದೊಳ್ ನಾಲ್ಕುಜನ
ಮದವರಿಯದಾ ಬಾಲರವರು ಒದಗುವರು ಸತತ
ಮದನ ಪಿತನ ಸ್ತುತಿಯಲಿ ಇದ್ದು ಕಳೆದರು ಚತುರ್ಯುಗವನೆರಡನು ಸೃಷ್ಟಿ ನಿಂತಿರಲೂ
ಮಾಧವನು ಚಿಂತಿಸಿದ ಮಾಯೆಯನು ಸೃಷ್ಟಿಸಿದ
ಮದವೇರಿದಾ ದೂರರಿಗೆ ಒಂದಿನ ಬ್ರಹ್ಮಜಾತರು ಬರಲು
ಮುದದಿ ಹರಿ ಕಾಂಬ ಬಯಕೆಯಿಂದಾಗಲೇ ತಡೆಯಲು ಶಪಿಸಿದರು ದೂತರನು ಮರ್ತ್ಯರಲಿ
                                                                                  ಜನಿಸಿರೆಂದೂ || ೩ ||

ಹರಿಯ ಗೃಹದಾ ಬಾಗಿಲೊಳು ಕೋಪ ಹುಟ್ಟಿತು ಕೇಳಿ
ಹರಿದುದೈ ದ್ವೇಷಾಸೂಯೆಗಳೆಂಬ ತನಯರು ಜನಿಸಿದರು
ಹರಿಯು ಗೈಸಿದ ಸಮುದ್ರಮಥನವನು ತತ್ಕಾರಣದಿ ಜನಿಸಿತು ಹಾಲಾಹಲದ ರೂಪದಲೀ
ಹರಿಯು ಕೂರ್ಮಾವತಾರದಿ ಮಂದರವ ನಿಲಿಸಿ ಕಡೆಯಲು
ಹರಿಯಿತೈ ಅಮೃತವು ಅದರಿಂದ ಹುಟ್ಟಿತು ಭೇದವದೂ
ಹರಿ ಕರೆಸಿ ದೂತರನು ಸಂತೈಸಿ ಎನಗೆ ಶತ್ರುಗಳಾಗಿ ಜನಿಸಿರಿ ಮತ್ತೆ ಮೂರು ಜನ್ಮದಲೀ || ೪ ||

ಇಲ್ಲಿಗಾಯಿತು ನಾಲ್ಕು ಅರ್ಬುಧಗಳು ಕಳೆಯಿತು ಹರಿಕೂರ್ಮವಾಗಿಯೆ
ಎಲ್ಲವನು ಭುವಿಗಿತ್ತು ಹರಿದ್ವೇಷಿಗಳಾಗಿ ಜನಿಸಿರಿಯೆಂದು ಕಳುಹಿಸಿದಾ
ಬಲ್ಲವರು ಮಾಡುವರು ಹೊಲ್ಲ ಕೆಲಸವನೆನ್ನಬೇಡಿರಿ ಇದರೊಳಗೊಂದುಪಾಯವಿದೆ
ಎಲ್ಲವನು ದ್ವೇಷಿಸುವಾ ಗುಣಕೆ ತ್ಯಾಗವೇ ಮೂಲ ಅಂದು ಪೇಳ್ವರು
ಇಲ್ಲಿ ನಾ ಮೂಲ ಬೆಳೆಯಲು ಬೇಕು ಈ ಗುಣಂಗಳು ಅದನು ಗೆದ್ದವ
ಬಲ್ಲಿದನು ಜ್ಞಾನಿಯು ಪರಮಸಂಪದನಾಗುವನು ಹರಿಪದವ  ಪಡೆಯುವನೂ || ೫ ||

ಹರಿಯ ದೂತರು ಬಂದು ದಿತಿಯೊಳುದಿಸಿದರಾಗ
ಹರಿದುದೈ ಅವರ ಪೂರ್ವ ಸ್ಮರಣೆಗಳೂ ಮಾಯೆಯಾವರಿಸಿ
ಹರಿದ್ವೇಷ ಬಿತ್ತಿಹರು, ಮದವೇರಿ ಕುಣಿದರು ವಿಷಯ ಭೂಮಿಯ ನಾಶಕನುವಾಗಲೂ
ಹರಿದುದೈ ಮತ್ತು ನಾಲ್ಕು ಅರ್ಬುಧ ಹರಿಯೆದ್ದು ಚಿಂತಿಸಿದ ಖಳರ
ಹರಿರೂಪಿನೊಳು ಮರ್ದಿಸಿ ಮರ್ತ್ಯರಿಗೆ ಕ್ಷೇಮದೀಪ ವೀವನೆಂದೂ
ಹರಿಯವತಾರ ಮೂರನೆಯದಾಯ್ತು ಹಿರಣ್ಯಾಕ್ಷನೆಂಬ ದನುಜನ ವಧೆಯ ನಾಟಕಕೇ || ೬ ||

ಇಳೆಯಭಾರವ ನಿಳುಹ ಹರಿಯವತಾರ ವಾದುದು ಮತ್ತೆ
ಇಳೆಯಲಿ ನಾಲ್ಕು ಅರ್ಬುಧ ಕಳೆಯೆ ನರಸಿಂಹ ರೂಪಿನೊಳು
ಖಳನ ಬಗೆದಾತನಾ ಸುತನನು ಹರಸಿ ಕಾಯ್ವೆನು ನಿನ್ನಾನುವಂಶಗಳನೆಂದು ವರವೀಯೇ
ಖಳಸುತ ಪ್ರಹ್ಲಾದ ಹರಿಭಕ್ತನಾತನಾ ಮೊಮ್ಮಗನು  ಬಲಿಯ ಯಾಗದೊಳು
ಇಳೆಯ ದಾನವ ಬೇಡಿದನು ಮತ್ತೆ ನಾಲ್ಕು ಅರ್ಬುಧ ನಂತರದೀ
ಹೊಳೆದುದೈ ಹರಿಯವತಾರ ಚಕ್ರವು ವಾಮನರೂಪಿನೊಳು ವಿಶ್ವರೂಪವ ಲೋಕ ವಿಭ್ರಮಿಸೇ || ೭ ||

ಭೂಮಿಯೊಳು ಮೆರೆದುದೈ ಭೂಭುಜರ ಸಾಹಸವು
ಕಾಮಿತವ ಪಡೆಯಲು ಮೇಲಾಟ ಹೋರಾಟ ದಾರಿತಪ್ಪಿತು
ಧರ್ಮಕೆಟ್ಟಿತು ಋಷಿಜನರ ಪೀಡೆ ಹೆಚ್ಚಿತು ಕ್ಷಾತ್ರದ ಕೋಪಾಟೋಪ ದ್ವೇಷಾಸೂಯೆಗಳಲೀ
ಧರ್ಮಮೂರ್ತಿಯ ಜನಿಸಿದನು ಋಚೀಕನ ಮೊಮ್ಮಗನಾಗಿ
ಭೂಮಿಯೊಳಿಗಿರುವ ಕ್ಷಾತ್ರವನು ಮಣಿಸುವಾ ಸಂಕಲ್ಪದಿಂದಾ
ಭೂಮಿಭಾರಕರಾದ ಯಾಗದೂಷಕರಾದ ರಾಜಕ್ಷತ್ರಯರ ಬಿಡತೆ ಸವರಿದನಾಗ ಪರಶುರಾಮನಾಗೀ || ೮ ||

ಮತ್ತೆ ಹುಟ್ಟಿದರಾಗ ಹರಿಕಿಂಕರರಲ್ಲಿ ರಾವಣಕುಂಭಕರ್ಣರಾಗೀ
ತೆತ್ತರೈ ಹರಿಪಾದ ಭಜನೆಯ ಬಿಟ್ಟು ಧೂರ್ತತನದಲಿ ಲೋಕಕಂಟಕರಾಗೀ
ಮುತ್ತಿದರು ಸಕಲಲೋಕವನು ಸುತ್ತಿದರು ನಾನಾ ಪ್ರದೇಶವನು ಋಷಿಜನರ ಹಿಂಸಿಸುತ ನೀಚರಾಗೀ
ಮತ್ತೆ ಆಯಿತು ಹರಿಯವತಾರ ರಾಮಲಕ್ಷ್ಮಣಭರತಶತ್ರುಘ್ನರಾಗೀ
ಬಿತ್ತಿತೈ ಮಾಯೆ ಖಳರಲಿ ಕಾಮದಾ ಬೀಜ ಅನೀತಿ ದುಷ್ಕೃತಾದಿ ತಸ್ಕರರಾಗೀ
ಚಿತ್ತವಿಭ್ರಮೆಯಿಂದ ರಾವಣವೆತ್ತಿದನು ಹರಿಸತಿಯ ಜಾನಕಿಯ ತುತ್ತಾದನೈ ಮೃತ್ಯುವಿಗೇ || ೯ ||

ಕಳೆಯಿತೈ ಮತ್ತೆ ನಾಲ್ಕು ಅರ್ಬುಧ ಕಾಲವದು ಇಳೆಯೊಳು ಜನಿಸಿತೈ
ಕಳುವಾರಿ ಭ್ರಷ್ಟ ಭಂಗಿತಜನರು ಧೂರ್ತರು ಕಪಟಗಳು ವಂಚಕರು
ಇಳೆಯು ಬೊಬ್ಬಿಡಲಾಗ ಹರಿಯು ಹುಟ್ಟಿದನಯ್ಯ ದೇವಕಿಯ ಉದರದೊಳು ಕೃಷ್ಣನಾಗೀ
ಕಳೆದು ಕೊಂದನು ಬಿಡದೆ ಧೂರ್ತರ ನಾನಾ ತೆರದಿ ಮಹಾಹವವ ಸೇರಿಸಿದ
ಇಳೆಯ ಭಾರಕನು ಕೊಲ್ಲಿಸಿ ಉಳಿದ ಒತ್ತೊಟಿರನು ಪೇಳಿದನು ಮುಂದೆ ನಾ ಬಹೆ
ನಿಳೆಗೆ ನಾಲ್ಕು ಬುಧ ನಂತರದ ದ್ವಾಪರದೊಳ್ ಬೌದ್ಧನಾಗೆಂದು ಹರಸಿದನು ಜನಸಮೂಹವನೂ || ೧೦ ||

ಇಂತಿರಲು ಹರಿಯವತಾರ ಲೆಕ್ಕವು ಮನ್ವಾದಿಗಳು ಹದಿನಾಲ್ಕು
ಕಂತಿಹೋಗದು ಭೂಮಿ ಪ್ರತಿ ಮನುವಿನಾ ಕಾಲ ಮೂವತ್ತಾರು ಅರ್ಬುದವು
ಕಂತುಪಿತನುದ್ಭವಿಸಿ ಭುವಿಯನು ಹರಸುವನು ದಶಾವತಾರದಲೀ ಸತತ
ಇಂತು ಲೆಕ್ಕವ ನೋಡಿ ಮೊದಲ ಅರ್ಬುಧ ಮತ್ಸ್ಯನು ನಂತರದಿ ಕೂರ್ಮನು ತ
0ದ ತರದಿ ವರಾಹಮೂರ್ತಿಯು ಖಳನ ಗೆಲುವರೆ ನಾರಸಿಂಹನು ಹನ್ನೆರಡರಲಿ
ಇಂತು ಕೃತಯುಗ ಕಳೆಯೇ ದರ್ಮದ ಪಾದ ಗತಿ ಮೂರಾಯ್ತು ನಂತರದ ತ್ರೇತೆಯಲೀ || ೧೧ ||

ಕಳೆದುದೈ ನಾಲ್ಕವತ್ರ ಕೃತೆಯಲಿ ಇಳೆಯ ರಾಜರು ಭ್ರಷ್ಟರಾಗಿರೆ ಪರಶು
ಕಳೆದಂದು ಕೊಚ್ಚಿ ರಾಜರ ಬಿದಿರ ಮಳೆ ತರಿವಂತೆ ರಾಮನು
ಹೊಳೆದುದೈ ಪೃಥ್ವಿ ಭೂಭಾರ ಸಾಮದಲೀ ಕೃತೆಯ ಪುನರಾವರ್ತನೆಯು
ಕಳೆಯುತಿರೆ ನಾಲ್ಕನೆಯ ಕೃತೆಯಲ್ಲಿ ಹುಟ್ಟಿದ ರಾಮನು ಕಳೆದುಕೊಂದನು
ಖಳನಾದ ರಾವಣನ ಅವನನುಜ ಕರ್ಣನನು ಸಕಲ ದಾನವರನ್ನು
ತಾಳಿರೀ ಈ ಇಳೆಗೆ ನಾನೇ ಪರಮಾಧಿಕಾರಿ ಪ್ರಜಾಪತಿ ನಾನೆಂದು ಅರಿತಿರೀ ನೀವೆಂದೂ || ೧೨ ||

ಮುಂದೆ ನಾಲ್ಕು ಅರ್ಬುಧ ಕಳೆಯಲು ದ್ವಾಪರದಿ ಲೀಲಾನಾಟಕ
ದಿಂದ ಹುಟ್ಟಿದನು ಹರಿ ಕೃಷ್ಣಾಭಿನಾಮದಿಂದಾಗಲೂ
ಒಂದೇ ಮನದಲಿ ನೆನೆವ ಭಕ್ತರ ಕಾಯ್ವ ಬಿರುದಿನ ದೇವನೊಂದುಪಾಯವ ಬಳಸಿದಾ
ಹಿಂದೆಗುಳಿಯದ ತೆರದಿ ಬಂಧುಬಾಂಧವರಿರದೆ ಕೊಲಿಸಿದನಂದು
ಮುಂದೆ ಬಹೆ ನಾನೆಂದು ಪೇಳಿದ ಬೌದ್ಧಾವತಾರದಲೀ ಇಂತು ಲೆಕ್ಕವು
ಒಂದೇ ರೀತಿಯ ಅಹುದು ಕೇಳಿರಿ ನಾಲ್ಕರಂತರವು ಕಳೆದು ಕೃಷ್ಣಾವತಾರವು ಇಪ್ಪತೆಂಟನೇ ದ್ವಾಪರದೀ || ೧೩ ||

ಕೇಳಿರೈ ವಿಬುಧಜನರೇ ನೀವು ಮುಂದೆ ಮೂವತ್ತೆರಡು ಬರ್ಬುಧ
ಕಳೆಯಲು ಪರಮಸಾಧ್ವಿಯರ ಪಲ್ಲಟಿಸಲೋಸುಗವೆ ಜನಿಸಿ
ಇಳೆಯಲಿ ಬರುವ ಹರಿ ತಾ ಪರಮ ವಿಭಾಂಡಕನಂತೆ ಜ್ಞಾನಿಯಂತೇ
ಕಳೆದು ಕೊಡುವನು ಲಲಿತಾಂಗಿಯರ ಪಾತಿವ್ರತ್ಯವ ನೆಲೆಗೆ ಸಿಕ್ಕದು
ಕಳೆದು ಪೋಪುದು ಧರ್ಮದಾ ನೆಲೆ ಅದರಿಂದ ಮುಂದಿನಾ ಅರ್ಬುಧ
ಕಳೆದರೆ ಮೂವತ್ತಾರು ಕಲ್ಕಿಯ ಜನನವಾಗಲೇ ಕಳೆಯಿತು ವೈವಸ್ವತಮನುವಿನಧಿಕಾರಾ || ೧೪ ||

ಇಂತು ಲೆಕ್ಕವ ಗುಣಿಸಿ ನೋಡಲು ಸಂತವಿಹುದು ನಿಮ್ಮ ಮನ
ಕಂತುಪಿತನವತಾರ ಕಾಲವು ಇದು ಬೌದ್ಧಾವತಾರನ ಕಾಲ
ಗಿಂತು ನೀವು ಸಲಹಿದರೇ ಯುಗ ದೀರ್ಘವಪ್ಪುದು ಇಲ್ಲದಿರೆ ಬೇಗದಲಿ
ಸಂತು ಯುಗ ನಾಲ್ಕೆಂದು ಹರಿಯುದಯಿಸುವ ಬೌದ್ಧನಾಗೀ
ನಿಂತು ಎಣಿಸಲುಬಹುದು ನಮ್ಮ ಸತಿಯರ ಪಾತಿವ್ರತ್ಯವ
ಕಂತುಪಿತ ಕೆಡಿಸುವನೇ ಹರ ಹರಾ ನೀ ಕಾಯಬೇಕೆಂದು ಬೇಡುವೆನೂ || ೧೫ ||
  
ಒಟ್ಟು ಮನುಗಳು 14. ಅವು-
೧. ಸ್ವಾಯಂಭುವ

೨. ಸ್ವಾರೋಚಿಷ

೩. ಉತ್ತಮ

೪. ತಾಮಸ

೫. ರೈವತ

೬. ಚಾಕ್ಷುಷ

೭. ವೈವಸ್ವತ

೮. ಸೂರ್ಯಸಾವರ್ಣಿ

೯. ಧರ್ಮಸಾವರ್ಣಿ

೧೦. ದಕ್ಷಸಾವರ್ಣಿ

೧೧. ರುದ್ರಸಾವರ್ಣಿ

೧೨. ಬ್ರಹ್ಮಸಾವರ್ಣಿ

೧೩. ಇಂದ್ರಸಾವರ್ಣಿ

೧೪. ವೇದಸಾವರ್ಣಿ.


ಅದರ ಕಾಲಮಾನ ಬ್ರಹ್ಮಮಾನದ ಯುಗಾವರ್ತನೆ 36. ಅಂದರೆ 4 ಯುಗಗಳು 36 ಬಾರಿ ಆವರ್ತನೆಯಾದರೆ ಒಬ್ಬ ಮನು. ಪ್ರತೀ ಮನುವಿನ ಕಾಲದಲ್ಲಿ ಈ ದಶಾವತಾರ ಪುನರಾವರ್ತನೆ ಆಗುತ್ತದೆ ಬೇರೆ ಬೇರೆ ರೂಪದಲ್ಲಿ. ಒಟ್ಟು 36 x 14 = 504. ಇದು ಬ್ರಹ್ಮನ ಪರಾರ್ಧ. ಪೂರ್ವಾರ್ಧವು ಸುಷುಪ್ತಾವಸ್ಥೆಯಲ್ಲಿದ್ದ ವಿಷ್ಣುವಿನ ಯೋಗನಿದ್ರೆಯಲ್ಲಿ ಕಳೆದಿದೆ. ಈ ಪರಾರ್ಧ ಕಳೆದರೆ ಈ ಬ್ರಹ್ಮನ ಅಧಿಕಾರಾವಧಿ ಮುಗಿಯಿತು.

ಇಲ್ಲಿ ಗಮನಿಸಿ. ವೈವಸ್ವತನ ಮೊದಲ ವರ್ಷ ಅಂದರೆ ಅರ್ಬುಧದಲ್ಲಿ

೧) ಮತ್ಸ್ಯ


೨) 4 ನೆಯ ಅರ್ಬುಧದಲ್ಲಿ ಕೂರ್ಮ

೩) 8 ನೆಯ ಅರ್ಬುಧದಲ್ಲಿ ವರಾಹ

೪) 12 ನೆಯ ಅರ್ಬುಧದಲ್ಲಿ ನಾರಸಿಂಹ. ಇಲ್ಲಿಗೆ ಕೃತಾದಿ ಕಾಲವೆಂಬ ಹರಿಯ ಪ್ರಪಂಚನಾಟಕ ಮುಕ್ತಾಯ. ಧರ್ಮದ ಒಂದು ಸ್ತಂಭ ನ್ಯೂನವಾಯ್ತು. ನಂತರ ತ್ರೇತೆಯಲ್ಲಿ-

೫) 16 ನೆಯ ಅರ್ಬುಧದಲ್ಲಿ ತ್ರೇತಾಯುಗದಲ್ಲಿ ವಾಮನ.

೬) 20 ನೆಯ ಅರ್ಬುಧದಲ್ಲಿ ತ್ರೇತಾಯುಗದಲ್ಲಿ ಪರಶುರಾಮ. ಹಾಗಾಗಿ 21ನೆಯ ಅರ್ಬುಧದವರೆಗೆ ಅವನ ಭೂಪ್ರದಕ್ಷಿಣೆ ಇತ್ತು. ಹಾಗಾಗಿಯೇ 21 ಬಾರಿ ಭೂಪ್ರದಕ್ಷಿಣೆ ಮಾಡಿದ್ದಾನೆ ಎಂಬ ಪ್ರತೀತಿ.

೭) 24 ನೆಯ ಅರ್ಬುಧದಲ್ಲಿ ತ್ರೇತೆಯಲ್ಲಿ ರಾಮ. ಅಲ್ಲಿಗೆ ಧರ್ಮದ ಅರ್ಧ ನ್ಯೂನತೆಯಾಯ್ತು. ನಂತರ-

೮) 28 ನೆಯ ದ್ವಾಪರದಲ್ಲಿ ಕೃಷ್ಣ. ಈಗ ಪ್ರಸಕ್ತ ಇಪ್ಪತ್ತೆಂಟನೆಯ ಕಲಿಯುಗ. ಇದು ಪುನರಾವರ್ತನೆಯಾಗಿ ಪುನಃ ಕೃತ, ತ್ರೇತ, ದ್ವಾಪರ, ಕಲಿಯಾಗಿ ಬರುತ್ತಾ-

೯) 32 ನೆಯ ದ್ವಾಪರದಲ್ಲಿ ಬೌದ್ಧ. ಅಲ್ಲಿಗೆ ಧರ್ಮದ ಮುಕ್ಕಾಲುಭಾಗ ನ್ಯೂನತೆ ಈ ಪ್ರಪಂಚ ನಾಟಕದಲ್ಲಿ. ಅಲ್ಲಿಂದ-

೧೦) 36 ನೆಯ ಕಲಿಯುಗದಲ್ಲಿ ಕಲ್ಕಿಯಾಗಿ ಅವತರಿಸಿ ಇಲ್ಲಿ ಪುನಃ ಹೊಸಾ ಮನುವಿನ ಪುನಃ ಸ್ಥಾಪನೆಗೆ ಪ್ರಯತ್ನಿಸುತ್ತಾನೆ ಹರಿ. ಅಲ್ಲಿಯವರೆಗೆ ಕಾಯ್ದು ನೋಡಿರೆಂದು ನಿಮ್ಮಲ್ಲಿ ಹಾರೈಸುತ್ತೇನೆ. ಈಗ ನಡೆಯಬೇಕಾದ ಕಾಲ ಬೌದ್ಧಾವತಾರಕಾಲವಾದ್ದರಿಂದ 32 ನೆಯ ಅರ್ಬುಧದವರೆಗೂ ಸಂಕಲ್ಪದಲ್ಲಿ ಬೌದ್ಧಾವತಾರೇ ಎಂದು ಸತ್ಯವನ್ನೇ ಹೇಳುತ್ತಿದ್ದೇವೆ.

        ಈ ಮೇಲ್ಕಂಡ ವಿವರಗಳು ದಕ್ಷಿಣಕನ್ನಡ ಪ್ರದೇಶದಲ್ಲಿದ್ದ ದಶಾವತಾರಮೇಳ ಯಕ್ಷಗಾನದ ಮೇಳದ ಹಾಡುಗಳಲ್ಲಿ ನನಗೆ ಸಿಕ್ಕಿದ ಸಂಶೋಧನಾ ಕಾಲದ ಹಸ್ತಪ್ರತಿ ಆಧರಿಸಿ ಇದನ್ನು ಬರೆದಿದ್ದೇನೆ (ಕೆ. ಎಸ್. ನಿತ್ಯಾನಂದರು). ಅಲ್ಪಸ್ವಲ್ಪ ನನ್ನ ಸಂಶೋಧನೆ ಇರಬಹುದು. ಆದರೆ ಅಲ್ಲಿನ ದಶಾವತಾರನಾಟಕವೆಂಬ ಹೆಸರಿನ ಹಿನ್ನಲೆ ಇದೇ ಆಗಿರುತ್ತದೆ. ಹಾಗಾಗಿ ಈ ವಿಚಾರವು ಅಲ್ಲಿನ ಯಕ್ಷಗಾನ ಕಲಾವಿದರು ಭಾಗವತರ ಪರಂಪರೆಯಿಂದ ರಕ್ಷಿಸಿಕೊಂಡು ಬಂದ ಸತ್ಯ. ಅಲ್ಲಿ ಗಮನಿಸಿ, ಮುಖ್ಯವಾಗಿ ಜ್ಯೋತಿಷ್ಯ ರೀತ್ಯಾ ಕೂಡ ೩೬ ಒಂದು ವೃತ್ತದ ರೇಫರಹಿತ ಆವರ್ತನ ಸೂತ್ರ. ಅದಕ್ಕೆ ೩೬x೧೦=೩೬೦ ಸಮ ಒಂದು ವರ್ಷ. ವೃತ್ತದ ವಿಭಾಗೀಯ ಅಯನಾಂಶವು ೩೬ರೇ ಆಗಿರುತ್ತದೆ. ಇಲ್ಲಿ ಅರ್ಬುಧವೆಂದರೆ ಒಂದು ದಿವ್ಯವರ್ಷ. ದಿವ್ಯವರ್ಷವೆಂದರೆ ಚತುರ್ಯುಗ ಪರಿವರ್ತನಾ ವರ್ಷವೆಂದು ಅರ್ಥೈಸಿದ್ದಾರೆ.

ಅದರಲ್ಲಿ ಮೊದಲು – 

೧) ಮತ್ಸ್ಯ

೨) ಕೂರ್ಮ -    ೪ನೇ ವರ್ಷ

೩) ವರಾಹ -     ೮ನೇ ವರ್ಷ

೪) ನಾರಸಿಂಹ – ೧೨ನೇ ವರ್ಷ

   ಇವಿಷ್ಟು ಕೃತಯುಗ ಅವತಾರಗಳು. ಧರ್ಮದ ಪೂರ್ಣಾವತಾರ. ಪರಿಕರಗಳಿಲ್ಲ. ಧರ್ಮವು ತಾನೇ ತಾನಾಗಿ ವ್ಯವಹರಿಸುತ್ತದೆ. ಅಂದರೆ ಧರ್ಮವು ನಾಲ್ಕುಪಾದಗಳಲ್ಲಿದೆಯೆಂದು ಅರ್ಥ. ನಂತರ-

೫) ವಾಮನ –  ೧೬ನೆಯ ವರ್ಷ – ವಟುವಿನ ಪೂರ್ಣಾವಧಿ ನಂತರ ಪ್ರೌಢ.

೬) ಪರಶುರಾಮ – 20ನೆಯ ವರ್ಷ – 21ನೆಯ ವರ್ಷದಲ್ಲಿ ಅವನ ಕಾರ್ಯ ಚಟುವಟಿಕೆಯಾದ್ದರಿಂದ 21 ಬಾರಿ ಭೂ ಪ್ರದಕ್ಷಿಣೆ.

೭) ರಾಮ – 24ನೆಯ ವರ್ಷ – ರಾಮಾಯಣದಲ್ಲಿ ಗಾಯತ್ರಿಯ 24 ಅಕ್ಷರ ಸಂಯೋಜನೆ ಅಧ್ಯಾಯದ ಆರಂಭದಲ್ಲಿದೆಯೆಂಬ ಪ್ರತೀತಿ ಇದೆ ಗಮನಿಸಿ.

ಇಲ್ಲಿಗೆ ತ್ರೇತಾಯುಗದ ಅವತಾರಗಳು ಮುಗಿಯಿತು. ಇಲ್ಲಿ ಪರಿಕರವಾಗಿ ಆಯುಧ ಬಳಸಲಾಗಿದೆ. ಕೊನೆಯಲ್ಲಿ ಧರ್ಮ ಅರ್ಧವಾಯ್ತು. ನಂತರ-

೮) ಕೃಷ್ಣ – 28ನೆಯ ವರ್ಷ ದ್ವಾಪರ. ಇಲ್ಲಿ ಅರ್ಧ ಮಾತ್ರಾ ಧರ್ಮವಾದ್ದರಿಂದ ಧರ್ಮದ ಪಾತ್ರ ಮಾತ್ರ. ಕಾರ್ಯವೆಲ್ಲ ಇಲ್ಲಿನ ಪರಿಕರಗಳಿಂದಲೇ ಕೆಲಸ ಮಾಡಿಸಿದೆ.

೯) ಬೌದ್ಧ – 32ನೆಯ ವರ್ಷ ಬರಬೇಕು. ಬಂದಾಗ ಬೌದ್ಧಾವತಾರ. ಅಲ್ಲಿಯವರೆಗೆ ಬೌದ್ಧಾವತಾರ ಕಾಲೇ ಎಂದೇ ಹೇಳಬೇಕು. ಇದು ಸತ್ಯ.   
 ______________________________________________________________________________________

No comments:

Post a Comment